RECOMENDACIÓNS LECTORAS PARA VERÁN

Dende a biblioteca Libroreta seleccionou uns libros para que durante estas vacaciones os mergulledes na lectura vivindo divertidas historias.

MARCAPÁXINAS SOLIDARIOS

Finalizada a campaña "Marcapáxinas Solidarios" promovida pola ONG "Save the Children", comprácenos comunicar que o alumnado e as familias do CEIP O Sello conseguiron recadar un total de 363,50 €.

Sen dúbida todo un éxito. Un pouco de cada un convértese nun moito. Parabéns a todas e todos os que colaborastes con esta causa, e dende o equipo de Biblioteca, queremos agradecervos a vosa participación e implicación nesta causa.

DÍA DA ÁRBORE

O venres 2 de xuño, celebramos unha nova xuntanza na "XX edición do Día da Árbore". Xunto aos coles CEIP Carballal e CEE Saladino Cortizo compartimos unha xornada de xogos e natureza.  Como cada ano, plantamos unha nova árbore, soltamos animais en liberdade, merendamos e xogamos a unha morea de cousas que con gran agarimo organizaron os alumnos e mestres do CEE Saladino Cortizo. Grazas a colaboración da Comunidade de Montes de Cabral puidemos gozar dunha divertida xornada mais intercentros. 

Aquí vos deixamos un vídeo do ben que o pasamos!

           

BO TRABALLO " CRAZY POLOS BOOKS"

Este  luns demos por rematado o Clube de Lectura deste curso . 
Rematamos a investigación sobre a vida e obra de Jacobo Fernández Serrano así como a análise da súa obra " Mil cousas poden pasar I" 
e expuxémolo nos corredores.

Para festexar o ben que traballamos realizamos unha merendola e pasamos un rato divertido.

 GRAZAS a todos os participantes do clube por ser sempre tan bos alumnos e facer que o clube fora toda unha aventura.
Ata sempre!!!

AUDIOCONTO " SABELA NO SELLO"

O alumnado do Clube de Lectura " Crazy polos books" elaborou despois da lectura do conto " Sabela  e as zocas máxicas" unha adaptación deste conto feito por eles , chamado 
" Sabela no Sello".

 

ENQUISAS DE VALORACIÓN

A piques de rematar o curso toca facer avaliación do funcionamento da biblioteca, do traballo realizado e das actividades desenvolvidas ao longo do ano. Coa finalidade de seguir mellorando e corrixir os posibles erros, deseñamos e pasamos a seguintes enquisas tanto ao alumnado da escola coma aos mestres. En breve recolleremos e analizaremos os resultados obtidos. 

DÍA DE CASTELA A MANCHA

O 31 de maio conmemórase o Día da Comunidade Autónoma de Castela A Mancha. Por esta razón, os nosos nenos e nenas de 1º de Primaria, quixeron compartir con toda a escola esta festividade. Para elo, prepararon unha deliciosa degustación de queixo manchego. Non quedou nadiña!!

Ademais agasallarónnos a todos cunhas pequenas aspas de muíño para por na solapa.

               

MAIOS 2017

Como cada ano por estas datas celebramos o Maio Florido e aínda que o mal tempo fixo que tivésemos que cambiar de escenario, non impediu que o noso traballo saíse adiante con moitas gañas e ilusión. Entre todo o alumnado e o claustro de mestres, decoramos o maio dende as primeiras horas da mañá grazas á colaboración das familias que aportaron flores, funcho, ovos, froita... necesarios para a súa elaboración. Unha vez rematado, cada grupo recitou a súa copla relacionada coa Comunidade Autónoma que está traballando durante todo o curso con motivo do noso proxecto anual "Unha andaina por España". Para rematar, cada curso posou a modo de Photocall co protagonista do día, o Maio Florido do Sello.

RECURSOS EDUCATIVOS CARLOS CASARES

Aquí vos deixamos diferentes páxinas onde podedes atopar recursos variados sobre a vida e obra de Carlos Casares, autor homenaxeado polas Letras Galegas deste ano 2017.

Para acceder a eles só tedes que premer na imaxe que queirades.

SEMANA DO LIBRO. VENRES

Para rematar esta semana do libro entre lendas, historias e curiosidades das diferentes comunidades españolas, os maiores do cole faláronnos da súa comunidade, a comunidade valenciana.

            

SEMANA DO LIBRO. XOVES

Hoxe os nenos e nenas de 4º de Primaria contáronnos unha lenda madrileña sobre a "Desaparecida casa do duende" e os nenos e nenas de 2º de Primaria fixéronnos pasar un rato moi divertido coa lenda asturiana do "Diaño burlón". Mirade que ben o fixeron todos. 

          

          

SEMANA DO LIBRO. MÉRCORES.

Hoxe tivemos unha dobre actuación. En primeiro lugar o contacontos musicado "Contos de papá" gracias ao autor Héctor Lorenzo.

E a continuación os nenos e nenas de 1º de Primaria contáronnos unha morea de cousas interesantes sobre a comunidade de Castela A Mancha. Mirade que ben o fixeron.

           

OBRADOIRO DE ESCRITURA CREATIVA

O servizo de Normalización Lingüística e a Biblioteca Municipal Xosé Neira Vilas, organizan no mes de maio un "Obradoiro de escritura creativa" para rapaces de entre 8 e 12 anos, dirixido polo escritor Xabier Xil Xardón. Unha boa oportunidade para todos aqueles que vos gusta contar e crear historias.

Para ter mais información podedes clicar no seguinte enlace:

http://bibliotecaneiravilas.vigo.org/obradoiro-de-escritura-creativa-xabier-xil-xardon/

MARCAPÁXINAS SOLIDARIOS

Un ano mais volvemos a participar nesta proposta da ONG "Save the Children". Como saberedes, os nosos alumnos decorarán estes marcapáxinas e despois venderanos para recabar fondos. Así aportarán un pequeno pero importante gran de area para esta boa causa. 

Así que animádevos a colaborar connosco. A solidariedade ensinase co exemplo.

VIGO RECICLA

Dende o Concello de Vigo chegou esta actividade que pretende concienciar sobre a importancia da reciclaxe para o noso planeta. Xunto ao Dinoseto os nosos alumnos lembraron onde hai que tirar cada material.

Ademais, como xa saberedes, os nenos e nenas da escola xunto ao mestre Jose Manuel Rodríguez Crespo, tiveron a honra de gravar a voz e música do" Rap do Dinoseto", que serve de banda sonora para este obradoiro que percorre diferentes coles da cidade.

             

DÍA MUNDIAL DA POESÍA

No CEIP O Sello celebramos o Día Mundial da Poesía. Para elo, aproveitamos o estupendo traballo realizado polo alumnado do Voluntariado Lector da Biblioteca e do Club de Lectura. Estes grandes artistas prepararon un fantástico recital de poesía que presentaron por todo o alto nun local preto da escola. Pero non podían deixar de mostrar aos seus compañeiros o ben que o fixeron. Por iso, o venres, 24 de marzo repetiron o recital no cole para goce de todos.

Aquí vos deixamos estes vídeos nos que podedes ver o xenial traballo que realizaron.

                                   

RECITAL DE POESÍA

Tal é como estaba programado, o mércores 22 de marzo, para conmemorar o Día Mundial da Poesía, o alumnado do Voluntariado Lector e do Club de Lectura da escola realizaron o "I Recital de Poesía" do CEIP O Sello. O acto tivo lugar na Cafetería "Nuevo Don Alí", a cal lle volvemos dar as grazas pola súa colaboración na organización deste acto.

Aquí deixámosvos un pequeno vídeo para que os que non puidésedes achegarvos ese día, vexades o gran traballo realizado polo noso alumnado. 

¡¡Noraboa rapazas e rapaces!!

         

ALMORZOS SAUDABLES

Esta mañá, grazas ao Concello de Vigo o alumnado de 3º, 4º e 5º de Primaria puido gozar dunha charla, baixo a temática "Almorzos Saudables". Aprenderon unha morea de cousas sobre a importancia de comezar o día cun almorzo san e completo, que favoreza o seu desenvolvemento e rendemento escolar. E para rematar, como non podía ser de outra forma, que mellor maneira de aprender que experimentalo directamente. Sen dúbida, un obradoiro moi saboroso.

          

ACHEGÁMONOS Á OCEANÓGRAFA ÁNGELES ALVARIÑO

A Concellería de Igualdade e Normalización Lingüística do Concello de Vigo convidou ao alumnado de 1º e 2º de Ed. Primaria a coñecer á oceanógrafa Angeles Alvariño a través dunha contada acompañada por ilustracións. Equipados cos seus cadernos e lapiceiros, os nosos alumnos/as tamén fixeron as súas propias ilustracións. Ademais durante esta interesante actividade contaron cunha inesperada visita...

DON SARDOMELO DI...

E para rematar as ordes do meco Don Sardomelo, aí vai a de mañá xoves. Non vos esquezades que son acumulativas, así que maña deberedes traer a paxariña, o colar, o gorro e...