viernes, 18 de diciembre de 2015

POSTAL GAÑADORA DE NADAL

Como cada ano celebrouse no cole o concurso da postal de Nadal. O debuxo debía estar relacionado co proxecto anual do cole e coa temática de nadal. A postal gañadora foi, coma sempre, impresa no calendario anual que se envía as familias nestas datas.
Este ano o gañador foi Sergio Riobó Rodríguez de 6º de Primaria.


                                   ¡¡¡¡Noraboa Sergio!!!! 

Ademais da honra de incluírse a súa obra no calendario anual, Libroreta agasallou a Sergio cun precioso libro. Esperamos que che guste Sergio!







FRASE CÉLEBRE

Libroreta estaba moi leda con todas as reformas que fixeron no seu recuncho, e por iso decidiu organizar un concurso dunha frase célebre, que anime a ler e a visitar a Biblioteca do cole.
Debía ser unha frase que reflectira os sentimentos e as emocións que espertan en nós os libros e as historias marabillosas que atopamos neles.
Houbo unha gran participación e frases preciosas. Por iso a elección estivo complicada, pero finalmente a máis votada foi a do noso cativo Izan, de 5º de Educación Infantil.

                                      ¡¡¡Parabéns Izan!!!


A frase célebre incluíuse no tríptico coas recomendacións lectoras de Nadal. Ademais Libroreta agasallou a Izan cun fermoso libro. 



Felicidades Izan, e que sigas embarcándote en marabillosas historias.

RECOMENDACIÓNS LECTORAS DE NADAL

Nestas datas sinaladas onde temos moito tempo para facer o que mais nos gusta, Libroreta recoméndavos estas lecturas que seguro os farán pasar un rato ben agradábel.

                         ¡¡¡Desexámosvos boas festas!!!

domingo, 13 de diciembre de 2015

CONMEMORACIÓN DA CONSTITUCIÓN E DO ESTATUTO DE AUTONOMÍA

Co gallo da conmemoración da Constitución e do Estatuto de Autonomía, aproveitando que estamos a traballar ao redor das "Costumes e Tradicións Galegas", decidimos compoñer entre todos un quebracabezas de Galicia. Repartimos as catro provincias por aulas e cada grupo investigou e destacou na súa provincia os aspectos mais salientables da súa temática dentro do proxecto. O reparto foi o seguinte:

               Educación Infantil: Lugo.
               1º e 2º de Primaria: Pontevedra.
               3º e 4º de Primaria: A Coruña.
               5º e 6º de Primaria: Ourense.

Foi unha actividade moi chula e na que aprendemos un montón de cousas da nosa comunidade. Para rematar, un par de alumnos de cada grupo explicounos ao resto o que aprenderon e representaron na súa provincia, para que todos o puidésemos aprender tamén.

                             Mirade que ben nos quedou!!!!





martes, 1 de diciembre de 2015

TRÍPTICO INFORMATIVO

Aquí vos deixamos o tríptico que repartimos o día da inaguración da nosa biblioteca coas normas básicas sobre o seu funcionamento e servizos

               

lunes, 30 de noviembre de 2015

XOSE NEIRA VILAS

Falece unha gran figura da Literatura Galega, autor dunha das obras de referencia da nosa literatura coma é "Memorias dun neno labrego".
Dende aquí non podíamos deixar de renderlle un pequeno homenaxe con esta breve presentación.



jueves, 26 de noviembre de 2015

25 DE NOVEMBRO. DÍA INTERNACIONAL DA NON VIOLENCIA CONTRA A MULLER

Co gallo da celebración do Día Internacional da Non Violencia contra a muller, os alumnos do cole representamos unha obriña, baseada no conto de Maruxa, da editorial OQO. Con el aprendemos que todo é máis doado e divertido cando se fai entre dous.
<iframe src="https://player.vimeo.com/video/128880866" width="500" height="375" frameborder="0" webkitallowfullscreen mozallowfullscreen allowfullscreen></iframe> <p><a href="https://vimeo.com/128880866">Maruxa</a> from <a href="https://vimeo.com/user22428465">Ceip Coiron</a> on <a href="https://vimeo.com">Vimeo</a>.</p>
                        TOD@S IGUAIS E TOD@S DIFERENTES.

                                  

miércoles, 25 de noviembre de 2015

BENVIDOS AO RECUNCHO DE LIBRORETA POLA TARDE

Lectura, consulta, xogos ou contacontos son algunhas das posiblidades que a nosa biblioteca ofrece polas tardes aos seus usuarios. 
Non dubidedes en visitarnos para pasar un bo rato.

martes, 24 de noviembre de 2015

INAGURACIÓN BIBLIOTECA


Por fin remataron as obras da colocación do novo chan e dos novos andeis da nosa biblioteca
                         ¡¡¡Arturo,  mil grazas!!!!
Aínda que queda traballo por facer, xa todo está organizado para que poidamos volver a gozar da nosa biblioteca.
Ademais hai moitas novedades: recuncho TIC, zona de lectura informal, zona de audiovisuais, zona de lectura de pais, buzón de suxestións... e tamén novas actividades. Agora so queda empezar a gozala!
Aproveitmaos o acto de reapertura para homenaxear ao recén falecido Xosé Neira Vilas e coñecer algunha das súas principais obras.
Estabamos todos tan contentos coa nosa renovada biblioteca que acabamos cantando unha coñecida canción. 
                    Mirade que chulísima nos quedou!!!!









jueves, 19 de noviembre de 2015

MOCHILAS VIAXEIRAS

Comenzamos unha nova viaxe das nosas mochilas viaxeiras, cargadiñas de historias e aventuras marabillosas. Esperamos que gocedes moito con elas.

 

DOBRAXE NA ESCOLA

De novo 3º e 4º de Primaria gozou dunha interesante actividade da Concellería de NL e o Concello que tivo como finalidade achegarlles aos nenos e nenas, dun xeito ameno e didáctico, o mundo da dobraxe. Primeiro, os actores e dobradores, Manuel Pombal e Suso Pando, fixeron un xogo dramático moi divertido no que nos mostraron os pasos da elaboración dunha película; desde a creación do guión ata a súa dobraxe. Logo, sen abandonar o ton lúdico e teatral, presentáronnos aos personaxes do “mini capítulo” que logo dobramos. Acto seguido, ensaiamos todos xuntos un fragmento da película, aprendendo a encaixarmos as propias voces nas bocas dos personaxes. Cando xa tiñamos os/as dobradores/as.iLemos o guión, ensaiamos, axustamos e... Silencio! Imos gravar! Gravamos... e, moi sorprendidos/as, escoitamos o resultado.

miércoles, 18 de noviembre de 2015

OBRADOIRO ELABORACIÓN DE SACOS AROMÁTICOS

O Concello e a Concellería concedeunos esta actividade para o alumnado de 3º e 4º de Primaria e a través da exposición de dez plantas aromáticas falamos das súas diferenzas, arrecendos, usos tradicionais, terreos nos que medran, simboloxía, tradición oral, toponimia, variantes... E para rematar fixemos os nosos propios sacos de olor con diferentes herbas.


martes, 17 de noviembre de 2015

REMODELACIÓN DA BIBLIOTECA

Xa dende o curso pasado vimos realizando unha serie de cambios e melloras na nosa Bilioteca Escolar. 
O profesorado decidiu embarcarse  nun "Plan de Formación Permanente" para a mellora e dinamización da nosa Biblioteca. Estes cambios non só afectan ao seu aspecto físico senón tamén ao seu funcionamento e funcionalidade dentro do centro.
Aquí vos deixamos un pequeno vídeo do que foi a remodelación do espazo físico.   

                       

viernes, 13 de noviembre de 2015

I Edición: OLIMPIACAS



Chegou o día do Magosto e para celebralo, no CEIP O Sello, organizamos a I Edición das Olimpiacas. Todo o alumnado do centro, organizado en grupos formados por alumnos de diferentes idades, foron pasando polos distintos xogos populares nos que a protagonista foi a castaña. 
Ademais todos os cursos recitamos poesías, adiviñas ou cantigas sobre esta festa e gozamos degustando deliciosas castañas asadas.



                                    



lunes, 9 de noviembre de 2015

OBRADOIRO DE PLASTILINA

Con produtos de uso cotián como son a auga, a fariña, o aceite ou os colorantes alimentarios, elaboramos un produto natural, semellante a plastilina que logo levamos para casa. Dende a perspectiva lingüística os produtos utilizados permitíronnos traballar co léxico (froitas, cereais, árbores...). Outra actividade concedida pola Concellería de NL e o Servizo de NL do Concello de Vigo.
 

miércoles, 4 de noviembre de 2015

O SOÑO DE ESTHER

Nesta ocasión a Concellería de NL e o Concello de Vigo concedérennos unha nova e diferente actividade para os alumnos/as de 1º e 2º de Primaria. Baixo a idea de que os contos están para vivilos, Miguel Ángel Alonso Diz, achegounos historias coas que aprender dun xeito divertido as vogais, os puntos cardinais, os números e o amor pola nosa lingua. Acompañado dun obradoiro de “pintar con luz ou lightpainting”, coa que o alumnado trazou vogais no aire, letras ou debuxos.

 

jueves, 29 de octubre de 2015

SAMAÍN

Comezan as celebracións no cole e a primeira é o SAMAÍN. 
Este ano, como ven sendo xa costume,  ademais de decorar os corredores do cole coas cabazas caracterizadas coa temática do noso Proxecto Anual "Costumes e Tradicións Galegas" e realizar a exposición de caveiras, cada aula creou un conxuro que despois recitamos no día da celebración do Samaín. 
Moito coidado porque saíron conxuros marabillosos, non  vaia ser que se fagan realidade.
Aquí vos deixamos un vídeo do gran traballo realizado polo noso alumnado



                       

domingo, 4 de octubre de 2015

OBRADOIRO DE XOGOS MUSICAIS

Grazas á Concellería de NL e ao Servizo de NL do Concello de Vigo, as Abelliñas, as Tartarugas e os Pitufos gozamos dun obradoiro destinado a fomentar o desenvolvemento psicomotriz e musical. E fixémolo, co galego como idioma vehicular, con melodías sinxelas, cancións repetitivas e danzas acompañados de diferentes instrumentos.

jueves, 1 de octubre de 2015

PROXECTO ANUAL DO COLE 15/16

Este curso 2015/2016 o tema elixido para investigar no noso cole é...
                           "Costumes e Tradicións Galegas"
O principal obxectivo é que coñezamos as nosas raíces e as nosas costumes, de donde veñen, como xurdiron, onde se celebran e se desenvolven...
Para poder aprender un pouquiño de cada unha das nosas costumes e tradicións, o que fixemos foi repartir por aulas os temas a investigaar. E así quedou a cousa:
- Educación Infantil: Música e Xogos populares.
-1º de Primaria: A Gastronomía.
-2º de Primaria: Flora e fauna galega.
-3º de Primaria: Festas populares e  traxes típicos.
-4º de Primaria: Arquitectura, pintura e literatura.
-5º de Primaria: Pobos medievais.
-6º de Primaria: O camiño de Santiago