11F

O 11 de febreiro conmemórase o día da muller e da nena na ciencia como recoñecemento ao papel clave que desenvolven as mulleres nos ámbitos científicos e tecnolóxico.

O alumnado de 5º e 6º contactou vía mail con dúas científicas da Universidade de Vigo, Raquel Rey e Noelia González, co fin de que viñesen ao centro para entrevistalas en RadioSello. Non so aceptaron encantadas, se non que os días 10 e 11, estiveron no cole facendo uns obradoiros científicos con tódolos nenos e nenas. 

Quen sabe cantos científicos e científicas nos sairán do Sello? 😍🙋

Deixámosvos unhas fotos de todo o que se fixo nestes días e se queredes escoitar as entrevistas na web do cole, clicade aqui!!

A PAZ NO SELLO E OS NOVOS MEDIADORES

Polo día da PAZ, tivemos a presentación dos novos mediadores do cole (que será o alumnado de 5°de educación primaria). 

Tamén fixemos entrega dos nosos premios Nobel da paz cos diplomas que recoñeceron as boas prácticas, o compañerismo entre o alumnado.

  

Por outra banda, o alumnado de infantil e de primaria, investigou sobre personaxes recoñecidas que traballaron na procura da paz.

Gozamos dun fermoso día con xogos cooperativos e de traballo en equipo.

 

"A paz comeza cun sorriso" María Teresa de Calcuta

En xaneiro: radio e xogos de mesa

 Á volta das vacacións de Nadal, o 11 de Xaneiro,  tivemos unha sorpresa moi especial para o noso alumnado: unha formación con PONTE NAS ONDAS! Aprendimos sobre locución, expresión oral, a traballar co programa Audacity e gravamos o noso propio podcast!

Deixamos unhas fotos dese día...

Pero iso non foron todas as novidades deste mes! O 28 de xaneiro recibimos a visita de dous expertos en XOGOS DE MESA. Fixemos un obradoiro de xogos co que aprendimos, gozamos e desenvolvimos habilidades e destrezas como o inxenio, a visión espacial, o traballo en equipo...

SUXESTIÓNS LECTORAS PARA O NADAL

No seguinte vídeo tendes a nosas suxestións para ler neste Nadal! 

Dende o equipo de biblioteca, queremos aproveitar para desexaros un BO NADAL! 

Que o vindeiro ano veña cheo de ilusións e moitos sorrisos!

 

Un Samaín de CINE

Que semana máis movidiña tivemos en SELLOWOOD!! 

Libroreta retounos a crear carteis de películas de medo a cambio dunha entrada para unha sesión de cine o día 29. 

Despois de moito traballar, e tralo visto bo da nosa taquillera Justina…

 ACADAMOS AS ENTRADAS!!! 🎉

Tamén estivemos a falar nas aulas sobre os nosos medos para hoxe deixalos no COMEMEDOS.

Foi un día diferente, con música, disfraces e moito cine. 

BÓTADELLE UN OLLO!!

HAPPY SAMAÍN!!!

INAUGURACIÓN DA BIBLIOTECA-CONTACONTOS DE ALMUDENA JANEIRO- DECORACIÓN DE SELLOWOOD

 A conta atrás chegou ao seu fin...

Hoxe, 25 de outubro, o alumnado do CEIP O SELLO foi recibido no centro con música e cunha decoración especial!

Iniciamos novo proxecto, "SELLOWOOD", onde traballaremos o cine de forma transversal. (Recordamos que esta temática do cine foi escollida polo propio alumnado). 

Tras moito traballo... Hoxe inauguramos novos espazos!!

Na porta de entrada do colexio, o título deste proxecto, co xogo de palabras Hollywood-Sello = Sellowood. 

A nosa nova porta da biblioteca, ou quizáis a partir de agora, deberemos dicir as cortinas de "Multicines Libroreta". 

Que pensades da nosa taquilla? 

E non podía faltar unha gran alfombra vermella que conecta con Multicines Libroreta.

E os maxi Óscar presidindo a porta de entrada?

Fixádeos ben! Tamén temos unha claqueta enorme enriba da porta! Incluso as cortizas foron decoradas...

Por certo, non podía faltar o recuncho de POP CORN! Por se temos un pouco de fame no cine... 

Pero isto non é todo!

Hoxe celebramos tamén a inauguración da biblioteca, xa que onte foi o días das bibliotecas escolares!

Temos que agradecer dende aquí aos compis de 6º de primaria, que foron os encargados de presentar a biblioteca ao resto de cursos e de facer a entrega das mochilas viaxeiras. 

MOITAS GRAZAS! FOI TODO UN ÉXITO!

 

Por se fora pouco, hoxe recibimos tamén a visita de Almudena Janeiro. Contounos dous contos fermosísimos (Corre, corre Cabaciña e A voda do galo pinto). Ademais, estivemos cantando e bailando as súas cancións! MOITAS GRAZAS ALMU! 

Pasámolo xenial!

Unha aperta moi grande de Libroreta!

 

3, 2, 1… ACCIÓN!

Chegou o momento de desvelar cal é o tema do proxecto para este curso 2021-2022!! 🎉🎉🎉

Despois de contar coas opinións e ideas do noso alumnado, Libroreta decidiu que o tema máis votado, e por tanto o elexido, foi… 

Se queres sabelo, reproduce o vídeo!! 👏