FESTIVAL DE NADAL 2016

Unha "Danza medieval" con moita marcha, un delicado baile en "Diciembre", un clásico "All you need is love", uns "Príncipes traviesos", moita marcha con "Last Christmas", unha versión moi cañera titulada "Ven o Nadal", un "Mix de Nadal" para os mais cativos, unha panxoliña en bable sobre "Os reis magos", unha brillante actuación para desexarnos "Feliz Navidad", cheos de ilusión "O mesmo recitamos que rapeamos" e o mítico "Jingle Bells" como broche final, fixeron as delicias do noso festival de Nadal 2016.

FELIZ ANO A TODA A COMUNIDADE EDUCATIVA!

CONCURSO DE POSTAIS

Chegou o Nadal e con el o noso xa consagrado concurso de postais no que cada alumno deixou voar a súa imaxinación inspirándose na temática do proxecto anual "Unha andaina por España". A postal gañadora deste ano que aparece na felicitación-calendario 2107 co se agasalla ás familias, foi realizada por Irene González Vázquez (6º de E.P.) e Valencia foi o seu principal referente.

RECOMENDACIÓNS LECTORAS DE NADAL

Coma sempre, nestas datas de Nadal, Libroreta recoméndanos algúns títulos para poder gozar do noso tempo libre acompañados dun bo libro. 
Aquí vos deixamos esta guía por si queredes facer algún encarguiño a Papá Nöel ou aos Reis Magos.

COÑECEMOS O COLE CON SABELA

Nestas dúas sesións do clube de lectura, viaxamos con Sabela polo seu barrio e tamén polo seu cole. A procura do tesouro axudounos a facer esta actividade, se cabe, mais motivadora para os cativos de infantil e os membros do clube de lectura o gozamos moitísimo!!!

CONMEMORACIÓN DA CONSTITUCIÓN ESPAÑOLA E O ESTATUTO DE AUTONOMÍA DE GALICIA

Como cada curso, entre o 1 e o 11 de decembro, celebramos a conmemoración da Constitución Española e o Estatuto de Autonomía. Nesta ocasión reunímonos todo o cole no Recuncho de Libroreta e o  alumnado de 5º e 6º de EP recordounos a importancia de  celebrar esta data. Ademais un representante de cada curso, dende 4º de EI ata 6º de EP, foron os encargados de narrarnos unha presentación (Actividade de Carlos Mariño Pego), na que se reflexaron algúns dos elementos mais representativos da nosa Comunidade Autónoma: símbolos, escritores, músicos, gastronomía... Rematamos cun xogo baseado en variadas preguntas para comprobar a atención prestada polo público asistente e o broche final o puxo a música de Lume coa "Saia da Carolina" e como non podía ser de outro xeito, co Himno de Galicia.

RECURSOS SOBRE A CONSTITUCIÓN ESPAÑOLA E O ESTATUTO DE AUTONOMÍA DE GALICIA

Ana Martínez: "Cuento Constitución" (E.Infantil)

Mª Inmaculada Manzano Villarrubia: "Cuento Constitución" (1º e 2º EP)

Junta de Castilla y León (3º, 4º, 5º e 6º EP)

 

Actividade para a conmemoración do Estatuto de Autonomía de Galicia. Carlos Mariño Pego.

MES DA CIENCIA EN GALEGO

Como cada mes de novembro conmemorase o "Mes da Ciencia en Galego na Biblioteca". Libroreta ofreceu ao noso alumnado diferentes recursos para os que quixeran experimentar. E por suposto que houbo moitos científicos e científicas dispostos a investigar. Sen dúbida os mais intrépidos foron os nosos cativos de Infantil que gozaron realizando diferentes experimentos. Despois contáronllos aos seus compañeiros maiores que quedaron abraiados con todo o que aprenderan.

Aquí vos deixamos un vídeo de todo o traballo realizado polos  nosos futuros científicos.

Traballos recompilatorios dos alumnos de EI dos experimentos realizados durante este mes.

       
                   

DÍA DO PAÍS VASCO

Dende 1948 estableceuse o 3 de decembro como o día do País Vasco en defensa da lingua vasca. Co gallo desta conmemoración, os alumnos de 5º de EP decidiron rendir unha homenaxe a esta Comunidade Autónoma dun xeiro diferente, a través da degustación do "PINTXO-POTE", sendo o pintxo a comida e o pote a bebida. Esta costume, xurdiu en Victoria a partir do 2003 para impulsar as ventas e fomentar a socialización, extendéndose posteriormente ao resto de cidades vascas.

Neste caso, os nosos chefs de 5º de EP deleitáronnos cun pincho de paté de mexillón e con auga fresca tendo un gran éxito de consumidores.

GORA EUSKADI!!!

SABELA CHEGOU AOS MAIS PEQUENOS

Os membros do clube de lectura
"Crazy polos books" convertéronse por unha vez en mestres e mestras de infantil. Non só presentaron a personaxe de Sabela os cativos de Infantil senón que lles contaron un dos contos que forman este proxecto. Despois os pequenos tiveron que plasmar nun debuxo a figura de Sabela. Non vos podedes perder o resultado. Gozaron tanto os pequenos como os mais maiores.

CULTURGAL 2016

Una nova edición do CULTURGAL, a Feria das industrias culturais, celebrase esta fin de semana no Pazo da Cultura de Pontevedra, sendo esta xa a novena edición. Dende o venres día 2 ata o domingo dia 4 de decembro poderedes gozar de máis de 80 postos adicados ao libro, a música, o teatro, o mundo audiovisual, infantil, a tecnoloxía e máis. Culturgal ofrece ao longo destes tres días mais de 120 actividades: concertos, espectáculos familiares, encontros con escritores, estreas de filmes e moito mais.

Sen dúbida un bo plan para pásalo en familia. 

Deixámosvos o programa por si fora do voso interese.

OBRADOIRO DO SERVIZO DE NORMALIZACIÓN LINGÜÍSTICA

Un curso mais, a Concellería de NL, a través do Servizo de Normalización Lingüística do Concello de Vigo, fixo partícipe ao noso alumnado de 3º e 4º de EP, dunha interesante actividade.                                                             

A partir de ingredientes naturais, elaboraron pasta dentífrica, que levaron para casa traballando tamén o léxico bucal en galego.                                             

COMEZAMOS!!!!

Este luns 14 de novembro comezamos o clube de lectura co alumnado de 4º ,5º e 6º.  

O conto de " Sabela e as zocas máxicas" será o canle motivador . Con este conto do Proxecto Terra , o alumnado do clube de lectura convertiranse  en mestres  e despois de ler e traballar o conto serán eles mesmos os que o trasmitirán a todo o alumnado de infantil do noso cole.

Nesta primeira sesión limos as normas do clube para os novos membros, presentamos a historia, limos o conto entre todos e fixemos o personaxe do principal para que sirva de elemento motivador para os mais pequenos.