AS FAMILIAS TAMÉN CONTAN EN SAMAÍN

Sen dúbida, unha das actividades mais divertidas nestas datas, é escoitar contos de medo e terroríficas historias. Por iso, convidamos ás familias para que nos axudaran nesta tarefa. Gozamos escoitando varias historias. Algunha incluso cuns protagonistas moi coñecidos...

Grazas mamis pola vosa colaboración!!!

                                

ESCOLMA LIBROS TERRORÍFICOS

Para ir ambientando estas monstruosas datas, ao longo de toda a semana de Samaín toparedes na entrada do noso recuncho unha selección de libros de medo, para que poidades gozar lendo divertidas e terroríficas historias. Esperamos que vos gusten. 

DÍA DAS BIBLIOTECAS ESCOLARES

Hoxe 24 de outubro, celebrase o Día das Bibliotecas Escolares. 

A biblioteca é, sen dúbida, un dos lugares mais especiais da nosa escola e por iso non podíamos deixar de celebrar esta data, xa que danos o pistoletazo de saída para por en marcha unha morea de actividades que espertan no noso alumnado as ganas de aprender, investigar e soñar. Ademais este ano temos un bo motivo para celebrar, porque a nosa biblioteca entrou a formar parte da Rede de Bibliotecas PLAMBE. 
Este ano o cartel editado para a conmemoración desta data foi realizado pola ilustradora Helena Odriozola e o pregón, que lemos nesta celebración, pola escritora viguesa Ledicia Costas, ambas premios nacionais no ano 2015.
Aquí vos deixamos un pequeno vídeo deste gran día para o noso Recuncho de Libroreta.

           

RECURSOS SOBRE O SAMAÍN

A web CGENDL, Coordinadora Galega de Equipos de Normalización e Dinamización Lingüística, compartiu as actividades para E. Infanfil e E. Primaria sobre o Samaín do CEIP Eusebio da Guarda da Coruña e o CEIP Galán de Arteixo. 

CARTA DE LIBRORETA

Esta semana topamos nas nosas aulas esta carta de Libroreta. Nela contábanos as súas divertidas vacacións e ademais invitounos ao acto de celebración do Día das Bibliotecas Escolares que terá lugar no seu recuncho o vindeiro 24 de outubro. Aquí vos deixamos a carta para que a poidades ler.

DÍA DA COMUNIDADE VALENCIANA

O pasado 9 de outubro conmemorouse o Día da Comunidade Autónoma de Valencia e os alumnos/as de 6º EP compartiron co resto dos cursos algunhas das principais características desta terra.

Aprendemos a situala xeográficamente e identificamos as súas 3 provincias (Valencia, Castellón e Alacante). Alí falan valenciano e como fai moito caloret os nosos compis agasaiarónnos cuns lucidos abanicos e por iso os turistas visitan as súas praias, as mais famosas en Benidorm. Polo mes de marzo festexan as Fallas nas que queiman os ninots. En canto á comida, falarónnos da paella, a fideuá, as sabrosas laranxas e os deliciosos turróns de Alacante. A súa bebida mais típica é unha horchata ben fresquiña e así todos a unha dixemos:

  FELICITATS VALENCIA!

             

UNHA ANDAINA POR ESPAÑA

Xa empezamos a dar os primeiros pasos da nosa andaina. O primeiro foi elaborar entre todos o mural para a entrada do cole deixando moi claro o que cada grupo vai a investigar. Mirade que chulísimo nos quedou!!!

PROXECTO ANUAL

Ola amigos:

Este verán fixen o camiño de Santiago, para coñecer moitos dos fermosos lugares da nosa terra, Galicia. No camiño coñecín a xente que viña de todas partes de España, porque.... sabedes? pódese chegar a Santiago seguindo unha das moitas e diferentes rutas que atravesan a xeografía española. 

No camiño fixen moitas e novas amizades, e por iso, ao longo deste curso, decidín investigar sobre todos eses marabillosos lugares. Así poderei aprender moitas cousas sobre as autonomías, provincias e cidades do noso país.

Queredes acompañarme nesta nova aventura, facendo "UNHA ANDAINA POR ESPAÑA"?

Se vos parece ben repartimos o traballo e comezamos!!!

- Ed Infantil: Olé mi arma! (Andalucía)

- 1º Primaria: A nena de A Mancha (Castela a Mancha)

- 2º Primaria: Asturies, que guapina yes! (Asturias)

- 3º Primaria: Por aquí Dalí e Gaudí (Cataluña)

- 4º Primaria: Os chulapóns da capital (Madrid)

- 5º Primaria: Pintxo pote (País Vasco)

- 6º Primaria: Paella, pa´ él e pa´ ela (Valencia)