UNS VOLUNTARIOS MOI EFICIENTES!!

O alumnado do voluntariado lector , fai unha labor moi importante para o funcionamento da nosa biblioteca: ordenar os libros, realización de empréstitos, axuda na decoración da biblioteca, arranxo de libro estragados, recomendacións de libros, participación en xogos lectores...

ENTREGA DE PREMIOS SAN VALENTIN

Por fin o pasado 15 de marzo puidemos realizar a desexada entrega de premios aos gañadores do "II Concurso de Cartas de Amor e Amizade". Este ano as cartas foron redactadas en verso e os premiados polas súas fermosas poesías son:

Alicia Miranda (2º Primaria). 

Noé San Segundo (4º Primaria). 

María Yolanda Álvarez Rodríguez (Nai de Isis, 4º Ed. Infantil). 

Aquí vos deixamos un pequeno vídeo do acto e das preciosas composicións dos galardoados.

                                                                                                                                                                                                                                                                                                                                                   

RECITAL DE POESÍA

O vindeiro mércores 22 de marzo co gallo da celebración do Día da Poesía e para conmemorar o centenario de Gloria Fuertes, as alumnas e alumnos de 4º, 5º e 6º de Ed. Primaria, realizarán un Recital de Poesía nun local próximo ao centro.

Esperámosvos a todos para compartir connosco esta nova experiencia.

O RAP DO DINOSETO

O noso cole tivo o privilexio de ser o centro seleccionado para a grabación dun rap, para concienciar a cativos e adultos da importancia da reciclaxe.

Esta proposta, que parte do Concello de Vigo, foi moi ben recibida polo noso alumnado, que baixo a coordinación do profe Manuel conseguiron sen dúbida un resultado fantástico.

Aquí vos deixamos un pequeno vídeo da grabación.

         

UN PLANETARIO NO COLE

Esta semana grazas a Obra Social "La Caixa", o alumnado do cole puido gozar dunha experiencia estelar. No ximnasio do cole montouse un fabuloso planetario móbil. Trátase dunha instalación ideal para a aprendizaxe e a divulgación da astronomía; para achegar o ceo aos nenos que aínda o descoñecen, e aos adultos que o esqueceron. O planetario constaba de 4 programas baixo o título "O ceo das estacións" e unha pequena curtametraxe titulada "A nena que sabía camiñar do revés". Sen dúbida unha forma lúdica e motivadora de coñecer o universo. Aquí deixamos un pequeno vídeo do moito que gozaron os mais cativos do cole con esta experiencia.

        

ACHEGÁMONOS Á OCEANÓGRAFA ÁNGELES ALVARIÑO

A Concellería de Igualdade e Normalización Lingüística do Concello de Vigo convidou ao alumnado de 1º e 2º de Ed. Primaria a coñecer á oceanógrafa Angeles Alvariño a través dunha contada acompañada por ilustracións. Equipados cos seus cadernos e lapiceiros, os nosos alumnos/as tamén fixeron as súas propias ilustracións. Ademais durante esta interesante actividade contaron cunha inesperada visita...